8 Nadakapan Sa Curfew Violation

Walo (8) ang nadakpan sa atong kapulisan ug mga BPSO’s sa milabay’ng gabii, matod pa sa report nga gisang-at ni PLt Col Jerry A Tambis, ang atong hepe sa kapulisan dinhi sa dakbayan.

Ang mga nadakpan mao sila si:

– Junelrey Castillo, 22 anyos, waiter, taga Brgy. San Jose;
– Jason Comayas, 19 anyos, taga Brgy. San Jose;
– Christian Briones, 19 anyos, taga Brgy. 9;
– Jhon Mark Panes, 21 anyos, taga Brgy 9;
– Kaisar Pasaulan, 25 anyos, taga Brgy. 9.;
– Allan Rasonable, 47 anyos, usa ka laborer, taga Natid-asan;
– Erwin John Amego, 37 anyos, taga Natid-asan;
– Eddie Bongcawel, 38 anyos, usa ka empleyado sa provincial government nga nasikop usab sa magbalantay sa kalinaw.

Ang maong mga nadakpan gi-hold sa Brgy. 8 covered court hangtod nahuman ang curfew ganinang 5:00 sa buntag, April 18, 2020. Sa wala pa sila gipapauli, gipalimpiyo ang walo ka tawo sa Plaza Rizal isip community service.

Gipasabot ni COP Tambis nga sama sa tanan nasikop sa milabay’ng adlaw, ang walo nga nadakpan kagabii paga-patungan sa kaso mahuman ang Enhanced Community Quarantine sa dakbayan.

Dugang pa sa hepe, ang mga minors nga nadakpan, gi-hold gihapon sa Brgy. 8 covered court hangtod nga ilang ginikanan o guardian maga-anha aron sila lukaton. Sa dili pa makauli ang maong minors ug ilang ginikanan, ginapahinumduman sila sa atong kapulisan ug CSWDO staff sa balaod ug mga buluhaton aron nga dili na mausab ang maong kalapasan.

– With reports from Julius Manghano, PB Brgy. 8 & City PNP