Mga Kumpirmadong Kaso sa Covid-19 sa Malaybalay City

KUMPIRMADONG KASO #1

Ang unang kumpirmadong kaso usa ka lalaki nga LSI gikan sa Manila. Nag positibo sa routine test sa NMWRC niadtong June 4, 2020, adlaw sa iyang pag-abot sa probinsya. Gisulod ang maong LSI sa Ligtas Covid Facility sa Barangay Patpat para sa ma-isolate. Human nag negatibo ang resulta sa test pagkahuman sa iyang 14 days quarantine, gipapauli siya sa ilang panimalay niadtong June 22, 2020.

KUMPIRMADONG KASO #2

Ang ika-duhang kumpirmadong kaso usa ka 36 anyos na babae nga LSI niabot gikan sa Malate, Manila sa NMWRC (Rehab) niadtong June 12, 2020. Nakita nga nagpositibo siya sa IGG ug IGM RDT Tests ug gidala sa NMWRC. Human sa napulo ka adlaw, niabot ang iyang resulta nga nag positibo siya sa RT-PCR. Nabutyag nga miskan asymptomatic, ipabilin pa gihapon siya para mamonitor ug muagi pa sa mga repeat test pagkahuman sa July 10, 2020.

KUMPIRMADONG KASO #3

Ang ika-tulong kumpirmadong kaso usa ka 38 anyos na babae nga LSI gikan sa Bicutan, Taguig niabot ug na-rapid test sa NMWRC (Rehab) niadtong June 25, 2020. Nakita nga nagpositibo siya sa IGG ug IGM ug gidala sa NMWRC. Niabot ang iyang resulta nga nag positibo siya sa RT-PCR para sa COVID19 niadtong June 27, 2020 ug tungod niini, gipailalum siya sa close monitoring sa maong pasilidad. Adunay laing test nga himuon pagkahuman sa July 10, 2020.

KUMPIRMADONG KASO #4

Ang ika-upat nga kumpirmadong kaso usa ka 62 anyos na babae nga LSI gikan sa Manila nga niabot ug na-rapid test sa NMWRC (Rehab) niadtong June 17, 2020. Nakita nga nagpositibo siya sa IGG ug gitambagan nga mag 14 days quarantine sa barangay Managok.

Per protocol, giusban siya sa rapid test human sa 12 ka adlaw niadtong June 29, 2020. Niabot ang iyang resulta nga nag positibo siya sa IGG ug IGM. Gidala dayun siya sa City Ligtas Covid Center sa Patpat. Sa mao pud nga adlaw, gi-swab test usab siya sa RT-PCR.

Aron masiguro nga walay lain nakakuha sa Covid19 sa maong lugara, gipadala ang City contract tracing team didto sa Managok. Naghimo pud ug rapid tests sa tulo (3) ka kauban niya sa panimalay ug nag negatibo sila tanan. Bisan pa niini, ang City contract tracing ug sanitation teams nagpadayon ug trabaho 24/7 para masiguro ang kaluwasan sa panimalay ug katawhan sa Managok.

Niabot niadtong July 1, 2020 ang resulta ug gipahayag nga positibo siya sa Covid19. Bisan pa ug asymptomatic, ipabilin pa gihapon siya para istritktong ma-monitor sa Ligtas Covid Center sa Patpat.

KUMPIRMADONG KASO #5, 6 ug 7

Niadtong July 1, 2020, adunay nuebe (9) ka LSI gikan sa Malabon nga niabot sa NMWRC (Rehab) sa Casisang. Sila tanan miyembro ra sa us aka faith group ug kuyog sa puluy-anan sa Malabon, ingun man sa biyahe pauli sa Malaybalay City.

Lakip sa nuebe (9) ka LSIs, adunay duha (2) nga nag positibo sa RDT results ug gipabilin sa pasilidad. Ang ika-limang kumpirmadong kaso usa ka 21 anyos nga babae ug ang ika-unom nga kumpirmadong kaso usa ka 24 anyos sab nga babae. Ang duha pareho nga asymptomatic hangtod karon ug niagi sa swab test para RT-PCR niadtong July 2, 2020. Ang resulta pareho nga positibo niadtong July 4, 2020. Magpabilin pa gihapon sila sa pasilidad ug muagi sa mga tests sa umaabot nga 10-14 ka adlaw.

Ang ika-pitong kumpirmadong kaso sakop gihapon sa maong grupo gikan sa Malabon. Usa kini ka 23 anyos nga babae nga nag negatibo sa RDT nga gihimo sa grupo. Bisan niini, gipadayag niya ang sakit sa lawas ug hilanat ug gisulod dayon sa BPMC. Sa hospital, gi-isolate siya tungod sa maong simtomas. Pareha sa mga naunang kaso, naghimo gihapon ug swab test. Niadtong July 4, ang resulta nag positibo.

Tungod niini, sa maong adlaw nag hatag usab ug instructions si Dr. Dennis P. Sangalang, City Health Officer ug IATF Chairperson, nga maghimo ug swab test sa unom (6) ka mga tao sakop sa maong grupoha nga anaa sa ikatulong adlaw sa quarantine didto sa Maligaya. Ang unom (6) ka LSI magpabilin sa NMWRC facility ug muagi sa mga repeat test sa sulod sa 10-14 ka adlaw.

KUMPIRMADONG KASO #8

Ang ika-walong kumpirmadong kaso usa ka 24 anyos na babae nga LSI gikan sa Taguig nga niabot niadtong July 3, 2020. Walay nakit-an nga simtomas ug mga timailhan sa pag check up ug RDT (rapid diagnostic test) nga gihimo niadtong adlawa. Pero taliwala ani, nag positibo siya sa IGM ug naghimo dayon ug RT-PCR test. Ang resulta niabot niadtong July 8, 2020 ug nakumpirma nga positibo siya sa Covid19. Kini nga LSI nga gikan sa Taguig nagpabilin nga asymptomatic ug istriktong gina-monitor sa NMWRC sugod sa iyang pag abot.

KUMPIRMADONG KASO #9

Ang ika-nuebe nga kumpirmadong kaso usa ka 37 anyos na babae nga LSI gikan sa Dasmariñas, Cavite nga niabot niadtong July 7, 2020. Gi-check up dayon siya ug gi RDT (rapid diagnostic test). Nakit-an nga walay simtomas ug mga timailhan sa pag check up ug RDT (rapid diagnostic test) na gihimo atung adlawa, pero nag positibo siya sa IGG ug IGM. Ang swab test gihimo dayon ug milabay ang duha ka adlaw, nakita sa resulta nga siya adunay Covid19. Kini nga LSI naka quarantine sa NMWRC ug istriktong gina monitor para sa iyang kaayohan.

KUMPIRMADONG KASO #10, 11, 12 ug 13

Ang ika-napulo padulong ika-trese nga kumpirmadong kaso miyembro sa usa ka grupo sa simbahan nga gikan sa Malabon City. Kini nga mga LSI puros babae nga nag edad 22 padulong 24 ug residente sa barangay Maligaya.

Silang upat (4) nag negatibo sa maong adlawa ug gitugotan sila mag quarantine sa usa ka gi-aprubahan nga isolated building sa barangay Maligaya. Nagpabilin sila didto gikan sa July 1 hangtod July 3.

Pag-abot sa resulta sa ika-pitong kumpirmadong kaso nga positibo, ang City Health Officer and IATF Chairperson Dr. Dennis P. Sangalang, naghangyo kauban nilang LSIs nga anaa sa Maligaya nga mubalik sa NMWRC ug muagi usab sa RT-PTC. Pag abot sa mga resulta niadtong July 8, 2020, nahibal-an nga ang upat (4) sa unom (6) ka LSI ang positibo sa Covid19. Ang upat kasamtangang gi monitor pag ayo sa NMWRC bisan pa man wala sila nagpakita ug mga simtomas.