MOA signing sa proposed sanitary landfill sa dakbayan sa Malaybalay

Gipahigayon niadtong September 13, 2017 ang MOA kon Memorandum of Agreement signing tali sa City Government of Malaybalay ug Bukidnon-Tagoloanon Tribe para sa pagahimoong “Sanitary Landfill” sa Barangay Can-ayan, Malaybalay City.

Angayang masayran nga ang proposed 8-hectare area nga maoy butangan sa sanitary landfill sa Syudad sa Malaybalay nahisulod sa ancestral domain sa Bukidnon-Tagoloanon Tribe.

Ang maong kalihukan kabahin sa proseso aron makabaton ug Free Prior & Informed Consent ang naasoyng proyekto gikan sa mga lumad nga maoy adunay katungod sa maong luna.

Gisugdan ang maong kalihukan sa usa ka ritual sa “Pamuhat” ayha gilusad ang pinermahay nga gipangulohan ni City Mayor Ignacio W. Zubiri sa ngalan sa City Government of Malaybalay ug ni Retired Judge Benjamin Estrada inubanan ug nasaksihan sa mga myembro sa Council of Elders sa maong tribu.

Mapasalamaton ug dako si Mayor Ignacio W. Zubiri sa tribu sa ilang pagtugot ug sa ilang suporta sa pagpatuman sa solid waste management program sa syudad.

Isip tubag niini, ang Syudad sa Malaybalay mohatag usab ug supporta sa tribu sama sa mga livelihood projects ug ang pag-turn over sa mga pasilidad sa kasamtangang disposal facility sama sa Bioreactor Facility, Vermi-Composting Facility, Material Recovery Facility ug uban pa aron maghatag dugang panginabuhian sa mga myembro sa tribu.

 

Comments are closed