Nutrition Green banner awardees gitagaan sa pasidungog

Gitagaan og pasidungog ang mga barangays ning dakbayan sa Malaybalay isip outstanding winner sa mga programa sa nutrisyon nga ilang makugihong napatuman diha sa ilang kabarangayan.

Atol sa 43rd Nutirition Month culminating program niadtong Hulyo 28, 2017, pormal nga gidunol sa pagpanguna ni Vice Mayor Roland F. Deticio kuyog ang City Nutrition Council, ang mga mananaug sa maong awards diha sa City Covered Court, Freedom Park, Malaybalay City.

Karong tuiga giduso ang programa pinaagi sa tema nga “Healthy Diet Gawing Habit for Life.”

Gilangkuban sa 35 ka barangays ang nahatagan ug maintenance award isip consistent outstanding winners kapin sa tulo na ka tuig mao ang: Barangay 1, 2, 3, 4, 5, 6, 8, 11, Aglayan, Apo Macote, Bangcud, Busdi, Cabangahan, Can-ayan, Capt. Anghel, Casisang, Dalwangan, Imbayao, Indalasa, Kalasungay, Kibalabag, Kulaman, Laguitas, Maligaya, Managok, Manalog, Mapayag, Mapulo, Miglamin, San Jose, San Martin, Sto. Ñino, Silae, Sumpong ug Violeta.

Gisundan kini sa 3-year consistent city outstanding winner ang Magsaysay; duha ka tuig sa barangays Caburacanan, Patpat, St. Peter ug Zamboangita. Samtang nakasulod para sa unang tuig ang Barangays 7, Linabo, Sinanglanan ug Barangay 10.

Ang maong programa giandaman usab og usa ka contests nga gisalmotan sa mga tulunghaan ug barangays mao ang indigay sa sayaw sa elementarya, poster making sa sekondarya. Aduna usab healthy baby contest ug best in talipapa alang sa mga kabarangayan nga girepresentahan matag distrito.

Comments are closed