Invitational Shooting Competition

Ang lokal nga pangamhanan sa Malaybalay ubos sa pagdumala ni city mayor Ignacio W. Zubiri  inubanan sa Malaybalay Gun Club, Inc.(MGCI)  pinaagi sa ilang presidente Armando S. Evangelista, Jr. mopahigayon sa Malaybalay Invitational Shooting Competition 2015 karong umaabot Marso syete ug Marso otso, 2015 diha sa 403rd Brigade, ning syudad.

Tuyo sa pagpahigayon sa maong kompetisyon ang pag suporta ug pag padugang sa kahibalo o kahanas sa pag gamit sa pusil sa mga personahe sa lokal nga kapluisan ug alang usab niadtong mga responsableng sibilyan nga naghupot ug pusil nga mga myembro sa Philippine Practical Shooting Association (PPSA).

Ipahigayon sa maong kompetisyon ang category level ll shooting kun diin mga advance shooters nga gikan sa lain-lain rehiyon ang ma-ikag nga mosalmot  ug motan-aw ug kini  paagi usab nga mapa-usbaw ang turismo sa Malaybalay.

Ang Malaybalay Invitational Shooting Competition 2015 kabahin sa mga kalihukan nga gihan-ay alang 17th Charter Day celebration sa dakbayan nga nagdala sa tema “Commitment and Integrity in Service”

Comments are closed