17th Charter Day Activities

Alayon gihapon sa kasaulogan sa 17th Charter Day sa syudad sa Malaybalay, nagkada-iya pa nga mga kalihukan ang gi-andam sa lokal nga pangagamhanan ubos sa pagpanguna ni City Mayor Ignacio W. Zubiri. alang sa paghatag ug kalingawan sa mga katawhan. Pipila niini mao ang mosunod:

  • Inter-LGU Basketball Tournament sa Marso 9 hangtud Marso 16, 2015, sa Freedom Park  diin pagasalmutan kini sa mga LGU sa Manolo Fortich, Maramag,Cabanglasan, Quezon, Kibawe, Valencia, Lantapan ug uban pang mga munisipyo sa Bukidnon.
  • Photo Contest nga sugdan usab sa Marso 9 hangtud Marso 22, 2015 ang exhibit diha sa People’s Hall, city hall compound. Gisugdan na ang pagpangdawat sa mga entries niadtong Pebrero 2, 2015 hangtud Marso syete , 2015 sa udto lamang.  Ang maong kompetisyon bukas niadtong mga mahiligon sa photography, amateur ug professional nga mga residente sa Bukidnon.

Adunay duha ka kategorya niini, una – Landscape Category/Malaybalay Scenic view  sama na lamang sa mga hulagway sa Monastery of Transfiguration, Adventure Sites, Water Fallss ug uban pa. Ang Category 2 – Kaamulan Street Dancing Competition niadtong Styembre 2014. Alang sa dugang kasayuran mo-log-on lang sa facebook page nga Malaybalay City Charter Day Contest

  • 17th Charter Day Rock N Roll (Rakrakan Night) nga didto ipahigayon sa barangay Caburacanan sa Upper Pulangi ning syudad. Mga banda nga gikan sa Davao city ang Black List ug Light 7 ang gidapit aron mohatag ug lingaw pinaagi sa ilang mga awit . Kini mahigayon sa Marso 12, 2015 sa mga alas syete sa gabii sa Caburacanan covered court.
  • Magbibo ta- Comedy Show ang mahigayon sa Marso onse, 2015 didto sa barangay St. Peter, upper pulangi ug sa Marso dose, 2015 diha sa Freedom Park, barangay 4 covered court ning syudad. Mga dinapit nga mga komedyante ang mohatag ug lingaw pinaagi sa ilang mga awit ug talento sa pagpakatawa sa mga katawhan.  Modangat sila si Donita Nose, Super Tekla, Iyah ug MC nga mga inilang perosnalidad sa mga comedy bars sa kaulohan.

Busa, gidapit ang tanan sa pagsaksi sa mga kalingawan nga gihan-ay alang sa maong kasaulogan.

Comments are closed