Dugang Kalihukan/Kalingawan sa 17th Charter Day

Dugang pa nga mga kalihukan ug kalingawan nga gihan-ay alayon sa kasaulogan sa 17th Charter Day karon Marso 22, 2015 alang sa mga katawhan ning dakbayan ug sa mga dumudo-ong dinhi sa atong dapit ang mga mosunod:

  • Malaybalay Invitational Volleyball Open Tournament – Ipahigayon sa Marso 13 hangtud 15, 2015 diha sa city covered court, barangay kuatro, mga banggi-itan nga magdudula ang magsanka sa maong torneyo nga nag gikan sa syudad sa Cebu, Dumaguete, Cagayan de Oro, General Santos. Davao, Cotabato, Tagum ug Ozamiz. Aduna usab gikan sa mga tulunghaan sa South Western University, MSU-IIT Iligan ,Capitol University, Pilgrims-Cdo ug uban pang grupo sama sa PNP-Davao, J-Gurls-Cdo, JPC All Star ug uban pa. Kategorya sa babaye ug lalaki ang Libre nga masaksihan sa mahiligon sa maong dula.
  • Hinapaka- Badminton Open Tournament – Alang usab sa mahiligon sa dulang badminton kini mahigayon sa Marso 13 hangtud 15, 2015 diha sa Malaybalay Badminton Center. Adunay duha ka kategorya :  (A) city government employee  nga ipahigayon sa Marso 13, 2015 ug (B)  Open category sa Marso 14-15, 2015 nga dunay level nga Supermix D, doubles men & women sa level E & F ug 17 under ug 14 under. Kini magsugod sa alas nueve sa buntag ug ang deadline sa entries karon marso dose lamang. LIBRE ang registration.
  • Tailrunners Dog Fun Run & Health Care Activities –  Kini nga kalihukan alang niadtong mga mahiligon sa iro o mga dog /pet lovers diin adunay usa ka kilometro ang gilay-on nga fun run, kun asa mag uban ang binuhi nga iro ug ang handler niini. Magsugod kini didto sa Fortich/Claro M. recto sts. ug matapos diha sa plaza rizal atubangan sa city Library.  Nagapadayon ang registration karon ug molungtad kini sa Marso syete 2015 didto sa city Veterinary office. Atol usab sa maong kalihukan mahigayon  ang LIBRE nga konsultasyon, pagpanambal ug anti-rabbies vaccination sa mga kahayupan. Busa gidasig ang tanan nga dunay mga binuhing hayop sa pagpahimulos sa maong kahigayunan karong umaabot Marso 14, 2015

Comments are closed