2nd Monday Convocation Program/Opening Program

Ang lokal nga pangagamhanan sa Malaybalay magpahigayon sa 2nd Monday Convocation Program karon  lunes, Marso nueve 2015  alas otso sa buntag didto sa Freedom Park, barangay 4.  Ang buhatan ni city mayor Ignacio W. Zubiri kinsa mao ang sponsor sa maong programa mipili sa tema Personal Responsibility In Delivering Excellence o PRIDE.

Ang unang bahin sa maong kalihukan mao ang Ecumenical Prayer diin ipahinungod kini alang sa pagbukas sa kasaulogan sa 17th Charter Day sa dakbayan karong Marso 22, 2015 kon asa ubay-ubay nga mga kalihukan ug kalingawan ang gi-andam alang sa mga katawhan. Mosunod niini mao na ang convocation kon diin si city mayor Zubiri mohatag sa iyang mensahe.  Mahigayon usab sa maong programa ang official turn-over sa DOST Starbooks gikan sa pangagamhanan sa Malaybalay ngadto sa DepEd City Division.

Pagkahuman sa programa pagahimoon ang motorcade sa mga partisipante sa 17th Charter Inter LGU Basketball Tournament libot sa dakbayan.  Ang basketball games sugdan pagka hapon didto gihapon sa freedom park, barangay  4 sa mao gihapon nga adlaw ug molungtad ang torneyo hantud Marso disi sais 2015.

Comments are closed