More Activities for 17th Charter day

Alayon sa kasaulogan sa 17th Charter Day sa syudad sa Malaybalay karong umaabot Marso 22, 2015, pormal na kini nga gibuksan kagahapon Marso nueve, 2015 pinaagi sa Ecumenical Prayer  ug 2nd Monday convocation program didto sa freedom park, barangay 4 ning syudad ingon man pagpahigayon sa Inter-LGU Basketball tournament nga giskasihan sa mga katawhan nga mahiligon sa maong dula. Ang maong torneyo magpadayon hangtud Marso kinse, 2015.

Dugang kalingawan nga masaksihan atol sa maong kasaulogan mao ang  mosunod:

MARCH 14, 2015       

o   17th Charter Fun Run –Free registration. Adunay 3k, 5k ug 10k categories. Alang sa mga mosalmot niini moadto lang sa city sports development office sa grandstand alang sa pagparehistro.  Adunay mga ganti cash ug medalya alang sa maga mananaug.

o   Circuit Racing and Motorshow – Kini didto ipahigayon sa Provincial Capitol grounds. Bukas kini alang sa tanang mga mahiligon sa moto circuit racing sa atong dapit ug mga silingang lugar. Lain-laing kategorya sa underone ug scooter ang masaksihan sa maong lumba.

March 14-15, 2015

o   Long Boarding Clinic and Competition – Usa usab nga gikalingawan karon sa mga kabatan-onan ang pagsakay sa ilang longboard. Adunay push race ug slide jam categories nga ipahigayon sa city proper ug ang down hill category nga  didto mahigayon sa may kalasungay elementary school. Lakip nga mosalmot sa kompetisyon  ang Northern Mindano Longboarding Team,  ang inilang si Mr. Dandoy Tongco ug uban pang mga mahiligon sa maong sport sa nasud.

o   Ultimate Frisbee Tournament – Masaksihan didto sa Provincial Capitol Grounds nga magsangka ang mga nagkalain-laing Frisbee teams sa Mindanao.

o   Mountain Bike  Challenge – Bukas alang sa tanang mahiligon sa pag bisiklita. Adunay mga kategorya sama sa Open Expert, Junior/Senior (17-29 yrs old), Veterans (30-49 yrs old) Master (50-59 yrs old) Legend (50 years and above). Aduna usab Ladies open category ug Kids (12 years old below) ug alang sa mga beginners. Ang registration mahigayon sa Marso 14, 2015 ala una hangtud sa alas singko didto sa capitol grounds ug sa Marso 15, 2015 alas sais hangtud alas otso sa buntag didto gihapon sa capitol grounds ug sugdan ang lumba sa mga alas nuebe ang takna sa buntag marso kinse, 2015.

March 16, 2015

o   Flip Top Rap Challenge (elimination round at People’s hall))  -Ang RAP usa ka modern balagtasan. Kini gihimo aron sa  pagdasig sa mga kabatan-onan karon sa pagpabalik sa traditional nga pamaagi sa balagtasan. Ang tema sa rap battle contest mao “Ang Kagahapon ug ang Kaugmaon sa Malaybalay” ang final round ipahigayon sa March 22, 2015 didto sa freedom park, pagkahuman sa 17th Charter Day Program.

Comments are closed