Festival of Festivals / Charter Day parade

Ipahigayon na ugma Marso beinte-uno ang Festival of Festivals – Street Dancing and Ground Competition alayon kini sa kasulogan sa 17th Charter Day sa syudad sa Malaybalay.

Sugdan ang street dancing alas siete ang takna sa buntag didto dapit sa may Pine Hills sa barangay Sumpong ug kini paubos ngadto na sa may capitol grounds alang sa hamubo nga programa ug isunod na gilayon ang ground presentation completion.

Adunay napulo ka grupo ang magpasundayag kon asa ang kwarenta y sais (46) ka barangay sa Malaybalay gibahin ngadto sa lima ka distrito ug matag distrito adunay 2 ka representante nga mao ang mosunod:

 

District Represented by Festival Barangays in the district
Basakan A / Basakan B Managok / San Martin Tawo- Tawo of Dumaguete / Higantes of Angono Rizal Managok, San Martin, Simaya, Miglamin, Sto. Niño, Maligaya, Apo Macote, Violeta, Sinanglanan,
North Highway ANorth Highway B Can-ayanKalasungay Pintados of LeyteTalakudong of Tacurong Kalasungay, Can-ayan,Dalwangan, Patpat, Imbayao, Kibalabag,  Manalog, Capt. Anghel, Sumpong
South Highway A / South Highway B Aglayan / Bangcud Panagbenga of Baguio Dinagyang of Ilo-Ilo Aglayan, Bangcud, Cabangahan, Linabo, Laguitas, San Jose, Casisang, Magsaysay, Mapayag,
Upper Pulangi A / Upper Pulangi B Silae / St. Peter Moriones of Marinduque Ati-Atihan of Aklan St.Peter, Mapulo, Caburacanan, Silae, Zamboanguita, Busdi, Kulaman, Indalasa,
Poblacion A / Pobalcion B Barangay 6 / Barangay 9 Tuna of Gen San Sinulog of Cebu Barangays 1- 11

Ang mamahimong mananaug sa street dancing ug ground presentation competition makadawat ug tag  P 100,000.00 plus trophy isip 1st prize, P 80,000.00 plus trophy alang sa 2nd prize ug tag P 70,000.00 plus trophy alang sa 3rd prize.

Sa laing bahin, sa domingo Marso beinte-dos (22) 2015 nga mao na ang kasumaran sa ika 17th Charter sa syudad,  mahigayon ang usa ka parada nga pagasalmutan sa tanang mga opisyales ug empleyado sa local nga pangagamhanan ingon man mga opisyales sa 46 barangay sa syudad. Magsugod ang parada sa mga alas siete sa buntag didto sa Fortich-Claro M. Recto Sts., ug pagataposon didto sa freedom park, barangay 4 covered alang sa usa ka programa.

Gidapit isip mamumulong sa maong kasulogan si Dr. Dixon Q. Yasay, Ph.D kinsa kaniadto nahimong 3-termer nga mayor sa Opol, Misamis Oriental ug karon usa na ka Director sa Xavier University –Governance and Leadership Institute (XU-GLI) ug mohatag sa iyang mensahe nga may kalabatan sa tema “Commitment and Integrity in Service”.

Si honarable city mayor Ignacio W. Zubiri mohatag usab sa iyang State of the City Address o SOCA atol sa maong programa ug ingon ipahigayon usab ang Awarding for the Search of Cleanest and Greenest Barangay alang sa tuig 2014.

Pagka alas tres y medya sa hapon, sa Marso beinte-dos gihapon, mahigayon ang Blessing and Inauguration sa Malaybalay City Children’s Playground nga anaa mahimutang sa barangay sais sa may  Old Rotary Park ning syudad nga pagadumalahon ni Rev. Fr. Noel C. Suarez ug mohatag usab ug mensahe si city mayor Zubiri.

Ug pagka gabii sa petsa 22 gihapon, masaksihan na ang Fireworks Competition didto sa Provincial Capitol Grounds sa mga alas syete ang takna sa kagabhion. Adunay lima ka partisipante nga magpasikat ug pasundayag sa ilang mga fireworks display nga molungtad ang matag isa niini ngadto sa walo hangtud napulo ka minuto nga presentasyon.  Pagkahuman sa maong kompetisyon masaksihan usab ang banda nga Cueshe nga gikan pa sa kaulohan nga modugang ug lingaw sa mga katawhan. Busa gidapit ang tanan sa pagsaksi sa maong mga kalingawan.

Comments are closed