117th Independence Day Program and other Schedule of Activities for 138th Araw Ng Malaybalay

Ang lokal nga pangagamhanan sa Malaybalay moduyog sa nasudnong kasaulogan sa ika 117 nga   Philippine Independence – Kalayaan 2015 nga nagdala sa tema “ Tagumpay sa Pagbabagong Nasimulan, Abot-Kamay na ng Bayan”. Ipahigayon ang maong kalihukan sa biernes, Hunyo 12, 2015 diha sa P;aza Rizal.

Pagasugdan ang maong kasaulogan sa usa ka Flag Caravan sa mga alas syete sa buntag diin duha ka grupo nga nag gikan sa barangay Dalwangan ug sa Aglayan ang magsugat diha sa Plaza Rizal ug human niini mosunod gilayon ang usa ka programa.

SI Col.  Jesse A. Alvarez, INF(GSC) ang Brigade Commander sa Philippine Army ang gidapit isip Keynote Speaker ug kini  mohatag sa iyang mensahe haum sa maong kasaulogan. Mahigayon usab sa maong programa ang Ceremonial Flag raising, Symbolic Wreath Laying, 21 Gun Salute ingon man ang floral offering sa mga lain-laing departamento sa lokal nga pangagamhanan, mga ahensya ug gikan usab sa mga poblacion barangays lakip na niini ang barangay Sumpong, Casisang ug Kalasungay.

Sa laing bahin, nag padayon ang mga kalihukan alang sa ika 138 nga Aldaw Ta Malaybalay diin nagkalain-laing mga dula ang masaksihan sa mga katawhan. Nagpadayon ang Duckpin Bowling Tournament diha sa Rancheros Bowling lanes matag gabii nga gisugdan niadtong Hunyo 9 ug molungtad kini sa Hunyo 19, 2015, ingon man karon sabado Hunyo 13 tibawason ang Dart Open Tournament ug ang Invitational Tennis Tournament. Samtang ang mosunod mao ang uban pa nga mga skedyul:

Activities
Date / Time
Venue
Softball Tournament Hunyo 12-13, 2015 @ 8am Capitol Grounds
Horse and Carabao Hunyo 12, 2015 Provincial Grandstand
Wall Climbing Challenge Hunyo 12, 2015 @ 8am Beltran Pelota Court
Chess Tournament Hunyo 12-13, 2015 @ 8am 2nd Floor Brgy 6 Hall
Football Cup Hunyo 13-14, 2015 @ 8am Capitol Grounds
Sepak Takraw Invitational Hunyo 13-14, 2015 @ 8am BSU Covered Court
Table Tennis Invitational Hunyo 13-14, 2015 @ 8am City Covered Court
Yamaha Grand Prix Hunyo 14, 2015 @ 8am Capitol Grounds

Aduna usab Gupitan Sa Plaza karong Hunyo 14, 2015 diha sa Plaza Rizal sa mga alas otso ang takna sa buntag diin libre nga serbisyo sa pagpang-alot, manicure ug pedicure ang ihatag ngadfto sa mga katawhan nga gusto mopahimulos sa maong talagsaong kahigayunan.

Modangat usab ang inilang banda nga “ Parokya Ni Edgar” gikan sa kaulohan karong Hunyo 13, 2015 aron mohatag ug lingaw sa mga katawhan labi na sa mga mahiligon sa musika. Ipahigayon ang maong pasundayag diha sa city covered court sa mga alas syete ang takna sa kagabhion ug libre kini sa tanan.

Comments are closed