Ang buhatan sa City Veterinary ning lokal nga pangagamhanan sa Malaybalay mihan-ay sa ilang iskedyul alang sa pagabuhatong livestock activity sa mga barangay diri sa dakbayan. Ang iskedyul sa maong livestock activity para sa bulan sa Abril tuig 2014, mao ang mosunod:
| Petsa | Barangay |
|---|---|
| Karong umaabot Abril 2&3, 2014, ang maong livestock activity ipahigayun sa | Brgy. Miglamin |
| Samatang sa bulan sa Abril petsa 4, didto kini sa | Brgy. San Martin |
| Sa petsa 5, ipahigayon kini sa | Brgy. Sinanglanan |
| ug sa petsa 10, ang maong livestock activity ipahigayon didto sa | Brgy. Apo Macote |
| aduna usab livestock activity karung Abril 11, 2014, sa | Brgy. Sto. Niño |
| Ingon man, sa petsa 15 didto napud kni sa | Brgy. Simaya |
| sa petsa 16 sa maong bulan didto kini sa | Brgy. 1 |
| Dugang pa, pagka petsa 22 usab sa Abril ipahigayun ang maong kalihukan sa | Brgy. 2 |
| sa petsa 23, 2014 sa | Brgy. 3 |
| Sa Petsa 24, didto kini ipahigayon sa | Brgy. 4 |
| Samtang sa petsa 29 sa | Brgy. 5 |
| Ug sa Abril 30, 2014, ang maong activity didto sa | Brgy. 6 |
Ipahigayon sa maong aktibidad ang pagpamakuna, pagpurga ug paghatag ug vitamins sa baka, kabaw, kabayo ug kanding. Ipahigayon usab ang pagkapon sa baka ug kabaw.
Lakip usab ang pagpamakuna sa mga iro kontra rabis ug pag-issue ug credentials sa baka ug kabaw. Kinahanglan usab ang presensiya sa tanang dispersal animals gikan sa siyudad sa Malaybalay aron mapahigayon nato ang pag check-up niini. Bag-ong programa nga apil ani nga kalihukan mao usab ang libreng pagsimilya sa baka ug kabaw.
Ang mga baka, kabaw, kabayo, kanding ug iro nga naserbisyuhan niadtong miaging tuig pwede na utrohan ug bakuna, porga ug vitamins. Kining tanan libre ug gihangyo ang inyong kinatibuk-a nga pagsuporta. Alang sa dugang kasayoran pakigsayud lang kamo sa buhatan sa City Veterinary o kaha tawag sa telepono numero 813-8350.
