One City. One Prayer / Fun Ride For A Cause – Tree Planting Acitivty

Alayon sa kasaulogan sa ika 137th Araw Ng Malaybalay, ang lokal nga pangagamhanan sa Malaybalay mopahigayon ug usa ka spiritual nga kalihukan ang “One City, One Prayer” ugma Hunyo 13, 2014 alas 6:00 sa buntag diha sa Plaza Rizal.

Tipik sa tumong ug tinguha sa“One City, One Prayer” mao ang pagtapok isip usa ka pamilya ug pag-ila sa gahom sa labing makagagahom sa pagbag-o sa atong syudad , pag-ampo alang sa atong mga lideres, mga simbahan ingon man alang sa komunidad ug pagtugot sa panalangin sa Ginoo nga mopandong kanato ug mohatag sa kasaganahan kanatong tanan.

Mga pag ampo alang sa mga opisyales sa dakbayan, prosperity & development, senior citizens, peace and love, teenagers and children’s rights ug uban pa ang pangunahan sa mga representante nga nag gikan sa lain-laing mga relihiyosong kapunongan sa Malaybalay.

Pagatambongan ang  usa ka oras nga “One City, One Prayer” sa tanang mga  opisyales ug mga empleyado sa lokal nga pangagamhanan ug uban pang mga kapunongan.

Ugma gihapon nga adlaw Hunyo 13, 2014, ipahigayon ang programa alang  usab sa kinaiyahan ang Fun Ride For Cause – Tree Planting Activity. Pagasugadan kini sa hamubo nga programa didto sa barangay 4 city covered court s alas 6:30 sa buntag ug pagkahuman sugdan na ang pagbisikleta sa mga partisipante paingon ngadto sa barangay Managaok diin ipahigayon ang tree planting activity sa Mt. Capistrano. Gilauman nga 400 ka kahoy ang matanom sa maong kalihukan.

Comments are closed