Educational Assistance

Padayon nga naghatag sa educational assistance ang Office of the City Mayor, usa ka programa nga midagan na sa pipila ka tuig. Kini ang gipasabot sa atong Executive Assistant nga si Romeo Lapeciros, Jr. human nga adunay pipila ka pangutana nga nakaabot sa buhatan kabahin sa educational assistance.

 

Ang maong tabang sa City Government gipanghingusgan gayud sa atong halangdong mayor, Ignacio W. Zubiri, agi’g tabang sa mga ginikanan nga aduna’y mga nagtunghang nga anak sa kolehiyo.

 

Matud pa sa atong mayor, nabati niya ang mga hangyo sa di maihap nga ginikanan sa kalisod sa pagpatungha sa ilang mga anak, labi pa sa pagsapun sa ting-bayad sa tuition, nagkadaiyang proyekto sa eskuwelahan ug mga kada adlaw nga galastuhon sa mga estudyante.

Sa maong pamaagi, ang educational assistance nga mahatag sa City Mayor’s Office makapahagkap sa hunahunaon sa mga ginikanan, ingon man usab sa mga gatunghang mga anak. Labi na, matod pa ni Mr. Lapeciros, nga ang mga estudyante mawala sa ‘focus’ ug sige’g hunahuna sa tuition, projects, ug uban pang school requirements.

Pero pinaagi sa maong tabang gikan sa City Mayor’s Office, magahinan na gayud ug saktong oras ug ‘focus” ang academic activities sa mga estudyante.

Alang sa dugang kahibalo sa pag-avail sa educational assistance, mahimong modangat lamang sa buhatan sa City Mayor sa adlaw ting-opisina.

Comments are closed