Aron mapugngan ang milyon-milyon nga pagkamatay matag tuig tungod sa kanser, angay masayud ug mapataas ang kahibalo sa mga katawhan sa peligro sa maong sakit.

Ang gipahigayon nga Cervical Cancer Awareness Forum niadtong Mayo 30, 2024 didto sa Farmer’s Training Center sa City Agriculture Office usa ka health awareness nga kampanya nga gipasiugdahan sa City Health Office (CHO), aron ma-edukar ang mga kawani mahitungod sa maong sakit ug ang peligro niini sa lawas sa tawo. Tumong usab niini nga madasig ang mga katawhan sa pag-amping ug pag-atiman ug pag-angkon ug maayong panglawas.

Si Dr. Ybette S. Pallasigue, FPOGS ang nahimong dinapit nga mamumulong ug kini gitambungan sa mga kawani gikan sa lain-laing departamento sa lokal nga pangagamhanan sa Malaybalay. Mipa-ambit usab ug mga pulong si Hon. City Councilor Kathleen Cecile C. Pagaling, ug ang mga personahe sa CHO nga sila si Dr. Melirose S. Deticio, Dr. Ann Michelle C. Go, Dr. Jude Rey C. Pagaling, ug Dr. Kim T. Luardo

Ang maong forum nagdala sa tema “ Learn. Prevent. Screen.”

Report: Lianne Jones T. Cajegas,PTRP
PT Unit Staff/CHO – NADA