Ang lokal nga Pangagamhanan sa Malaybalay pinaagi sa buhatan sa City Civil Registrar nagpahigayon og Mass Wedding ceremony nga gidumala ni Mayor Jay Warren R. Pabillaran isip solemnizing officer didto sa Barangay Apo Macote covered court, ning syudad niadtong Abril 2, 2024.

Tumong sa maong libre nga programa nga masolusyonan ang gataas nga kaso sa “unwed couples” hilabi na nga aduna nay mga anak.

Sumala pa sa City Civil Registrar nga gipangulohan ni Arnel S. Alagenio nga anaa mo-alagad ang buhatan sa pagtubag sa hangyo sa mga barangay aron ma legalize ang panag-uban sa magtiayon sulod sa kaminyuon.

Tungod niini, mapasalamaton ang barangay council kon diin 14 ka paresan ang mitubag sa maong programa sa syudad aron kini mahimong legal ang gikuptan nga dokumento sa ilang panag-uban og magamit sa nagkadaiyang benepisyo nga itanyag gikan sa gobyerno.

Report ni: Madona M. Ipanag, CCRO-NADA Coordinator