Malampuson ang gipahigayon nga duha (2) ka adlaw nga Filipino Brand of Service Excellence (FBSE) Seminar niadtong Pebrero 12-13, 2024 sa The Gardens Party Venue sa Malaybalay.

Ang maong pagbansay-bansay may kalabotan sa pagpangandam sa umaabot nga Philippine Experience Program nga gipangunahan ni Department of Tourism Secretary Maria Esperanza Christina Garcia Frasco ug mga Ambassadors to the Philippines kon diin ang Malaybalay ang mamahimong major venue nga pagabisitahan sa mga VIP visitors. Ang maong kalihukan gidumala sa Department of Tourism Region 10 sa pakig-timbayayong sa Malaybalay City Tourism Office.

Ang maong kalihukan gitambongan sa duha ka grupo sa nagkalain-lain mga tourism stakeholders ug mga kawani sa lain-laing buhatan ug ahensya sa lokal nga pangagamhanan sa Malaybalay. Ang master trainer sa FSBE nga si Ms. Maria Agnes Capaning mi-paila sa tulo (3) ka unique modules ug kini gisundan sa mga workshops.

Ang FBSE nga program nag-promote sa mga maayong hiyas ug mga positibong mithi sa pagka maabi-abihon sa usa ka Pilipino. Pinaagi sa maong kalihukan, gilantaw nga mapalambo ug mapataas pa ang kalidad sa tourism services sa nasud ug mahatag ang pinaka-maayo nga serbisyo ngadto sa mga turista ug nga mamahimong pinasahi nga tatak sa Pilipino. Ug sa ingon, ang maong serbisyo mahimong rehiyonal nga tatak ug usa ka holistic national identity.

Isip pagtapos sa maong kalihukan, mihatag sa ilang mga feedback ang mga partisipante, ug gitunol usab ang certificate of appreciation ug token ngadto sa facilitator ingon man gihatagan usab ang mag partisipante sa ilang mga certificate of attendance.

Report: April Zane L. Fernandez – Tourism – NADA