Ang lokal nga pangagamhanan sa dakbayan sa Malaybalay pinaagi sa Sangguniang Panlungsod (SP) uban sa koordinasyon sa Philippine Institute of Certified Public Accountant (PICPA) Bukidnon Chapter maoy nagpasiugda atol sa convocation program alang sa bulan sa Nobyembre.

Kini nahitabo niadtong Nobyembre 14, 2022 sa People’s Hall, New City Hall, Malaybalay City nga adunay tema nga “Breaking Free from the trap of Debt (Death)”.

Ang maong kalihokan gitambungan ni Mayor Jay Warren R. Pabillaran, City Vice Mayor Estelito R. Marabe, SP Councilors, Heads ug representante sa lain-laing departamento ug opisina, Philippine National Police (PNP), ug Philippine Army.

Ang inspirasyonal nga mensahe ni Vice Mayor Marabe naghisgut sa gibug-aton sa kamahinungdanon sa panaghiusa aron ang kagamhanan sa dakbayan makaabante paingon sa progresibo nga syudad. “In order for us to move forward we should have intellectual unity, social unity, physical unity, and emotionally,” matod niya.

Sila si Matessa Anne G. Paporo, CPA, PICPA Bukidnon chapter President, ug Rhysa Cyle C. Rosalejos, CPA, PICPA Bukidnon chapter PIO, maoy mga dinapit nga mamumulong sa maong programa diin ilang gipasabot kon unsaon paglingkawas sa lit-ag sa pagpangutang. “In order to make strategies on how to deal with debt, first you need to understand what debt is, its pros and cons, and whether making debt good or bad,” matod ni Rosalejos.

Sa pikas bahin, si Paporo naghatag ug mga tips ug mga pamaagi aron ma minusan ang pagkautang ug ang kamahinungdanon sa pinansyal nga kahibalo. “These are the five steps on breaking free from debt. Track your spending, budget in writing (with goals), create a plan to pay off debt, pay as much as you can, and lastly don’t give up. It is always okay to ask for professional help”. Sa dugang, gipahinumdoman usab niya ang tanan nga buhaton ang imong best aron malingkawas sa utang, “build & budget, earn more, spend less, and track your expenses.”

Sa mensahe ni Mayor Pabillaran, iyang gipasiugda ang importansya sa disiplina sa kaugalingon. “Kung kita adunay disiplina sa atong kaugalingon makab-ot nato ang tinguha sa atong syudad”. Iya usab gi pasalamatan ang nangaging mga opisyales sa syudad kun diin sila ang nagmugna kun unsay naabot sa Malaybalay karon. “Ang katawhan mao ang mag harvest sa kalambuan nga nakuha gikan sa mga niaging nagserbisyo sa syudad. Obligasyon nato (nga opisyales sa syudad) sa karon nga buhaton ang tanan para sa Malaybalay,” dugang pa ni Pabillaran.

Sa samang programa, lain-laing awards sa mga niaging og kasamtangang opisyal sa kagamhanan sa dakbayan ug mga indibidwal ang gihatagan og pasidungog isip pag-ila sa ilang talagsaon nga kontribusyon nga ikapasigarbo sa syudad sa Malaybalay.