Gipahigayon kagahapong adlawa, Septyembre 29, 2022 ang 3rd Quarterly meeting sa City Council for the Welfare of Children (CCWC) didto sa City hall conference room nga gitambongan sa mga miembro ug representante sa maong konseho.

Si City Social Welfare and Development Officer Ivy Amor C. Urbina ang midumala sa maong meeting hulip ni CCWC Chairman City Mayor Jay Warren R. Pabillaran kinsa aduna usab laing importanteng meeting nga gitambongan ug mipadala kang Executive Assistant IV Atty. Mitchell C. Talatala isip iyang representante.

Gihisgutan sa maong panagtigum ang mga kalihukan alang sa umaabot nga selebrasyon sa National Children’s Month sa Nobyembre 2022 nga mao usab ang ika 30th nga anibersaryo. Nagkalain-laing kalihukan ang planong ipahigayon kon diin hatagan ug dakong pagtagad ang kaayohan sa mga kabataan ilabina na sa panglawas ug panghunahuna.

Lakip usab nga gihisgutan ang kabahin sa CCWC reorganization pinasubay sa Executive Order No. 223 ni Mayor Pabillaran ingon man mipadangat usab sa ilang mga report ug updates ang mga miembro nga may kalabotan sa mga kabataan ug uban pang hisgutanan.

Photo Credits to CCWC