Ang mga miyembro sa konseho sa syudad sa Malaybalay nga gipanguluhan sa Bise Mayor Estelito R. Marabe magpahigayon sa ilang ika 15th Regular Session didto sa Luyungan Indigenous People’s School, karong adlawa Oktubre 18, 2022.

Hibaluan nga kaniadtong Oktubre 11, 2022, atol sa ika 14th regular session, nagsugyot si Konsehal Brian Nelson T. Flores nga ang sunod nga regular session ipahigayon sa maong tulunghaan sa mga lumad nga kabatan-unan nga nahimutang sa Brgy. Bangcud. Kini, matod niya, alayon sa pag selebrar sa Indigenous People’s Month.

Atol usab sa maong session, gihangyo usab ni Hon. Flores nga maapil si Ms. Merlita J. Daculay, usa ka lumad, isip importante nga bisita sa maong session. Nasayran nga si Daculay mao ang valedictorian for Academic Year 2021-2022 sa nasangpit nga tulunghaan.

Dugang pa ni Konsehal Flores nga kini nga tulunghaan duol sa dughan sa iyang amahan nga atong kanhi mayor sa syudad, Florencio “Doc Boy” T. Flores, Jr. Mikanayon ang konsehal nga gilantaw niya ang kaayohan sa mga estudyante sa Luyungan IP School, ug nga padayon mahatagan sa importansya ang pag preserba sa kultura ug pagkatawo sa atong kaigsoonang lumad.

Report: SP-NADA