Atol sa napahigayon nga 2nd Monday Convocation program sa Lokal nga Pangagamhanan sa Malaybalay ubos sa pagpasiugda sa buhatan sa City Assessor, ang programa nagdala sa tema: “An Introduction to the Data Privacy Act.”

Gipasabot sa dinapit nga mamumulong nga usa ka practicing lawyer sa dakbayan, Atty. Francesco Manuel P. Valdez V ang halapad ug teknikal nga impormasyon angayan mahibawan sa mga empleyado kabahin sa balaud nga giilang “Data Privacy Act of 2012” kon RA 10173.

Gitagsatagsa ni Valdez ug hisgut ang kamahinungdanon nga nahisulakip sa nagkadaiyang data kabahin sa personal, shared o with consent, ug privileged data. Iyang gipaklaro, matag records o kaha opisyal nga dokumento nga gikuptan sa matag ahensya ug opisina nga aduna’y regulasyon ug mando kini sa balaud.

Tumong sa pagprotekta sa data mao ang pagtukod sa pagsalig, malikayan ang risgo nga pagkuyanap sa data nga walay pagtugot, ug mando kini sa maong balaud.

Isip usa ka pahinumdom, iyang gisaysay “As a general rule: If you can’t protect it, do not collect it.”

Ang maong panagtigum gipangunahan ni City Mayor Jay Warren R. Pabillaran nga gipahigayon sa Peoples Hall, City Hall, adlawng Lunes, July 11.

Si Mayor Pabillaran nagpahinumdom sa mga empleyado nga angayan mahibawan kini nga balaud, “Ignorance of the law excuses no one. Dili kita bastabasta maghatag o magshare og data nga sukwahi ani nga balaud.”

Kauban usab nitambong mga opisyales sa Malaybalay gipangulohan ni Vice Mayor Estelito R. Marabe. Konsehales nga naa sa programa mao sila Hon. Brian Nelson Flores, Hon. Dindo Dinlayan, Hon. Cromwell Kiril Dinlayan, Hon. Winky Damasco, Hon. Roy Orquia, Hon. Christopher Soria, Hon. Alan Ryann Legaspi ug Hon. Dave Jullian Balore.