Ang buhatan sa Malaybalay City Disaster Risk Reduction and Management (CDRRMO) nagpahigayon og Basic Life Support Training para sa mga bag-ong personahe niadtong November 14-15, 2022 sa Veranda, Casisang, ning syudad.

Kini nga programa gilangkuban sa CDRRM training team nga gipangulohan ni Mr. Ritchell B. Agne nga mihatag og kahanas ug kahibalo sa mga bag-ong personnel tungod kay usa kini sa mga mandato sa maong buhatan. Mitambong usab sa ikaduhang adlaw sila City Mayor Jay Warren Pabillaran, CDRRMO OIC Chief Alan J. Comiso, CDRRMO Assistant Kenneth Amiel M. Taylor ug Engr. Sony Dabe Belderol sa CDRRMO Research and Planning Division.

Si Comiso mihatag sa iyang mensahe atol sa panaghiusa sa mga personahe, nga siya mapasalamaton sa mayor sa syudad sa iyang bug-os nga pagsuporta aron magmalampuson ang maong pagbansaybansay.

Sa susamang programa, mipadangat usab si Mayor Pabillaran sa mga CDRRMO personnel nga ang paghatag og importansya ug gugma sa trabaho ug sa pagtabang sa mga nanginahanglan mao ang pipila ka mga tumong makab-ot sa opisina aron maka pagpreserba sa kinabuhi.

Sulod sa duha ka adlaw, gitudlo sa mga partisipante ang basic life support proper technique ug katakos sa paghatag ug cardiopulmonary resuscitation (CPR). Ang mga nakahuman sa training gihatagan usab og certificate ug ID gikan sa DOH isip usa na sila ka Certified BLS Provider.

Report: CDRRMO-NADA