Giaprubahan na sa Sangguniang Panlungsod ang SP Resolution No. 2022-0037 mao ang Memorandum of Agreement tali sa City Government of Malaybalay (CGM) ug sa Provincial Government of Bukidnon (PGB) mahitungod sa paggamit sa blood screening services diha sa Bukidnon Provincial Medical Center-Blood Screening Center.

Kaniadtong Agosto 12, 2022, ang atong City Mayor Jay Warren R. Pabillaran nag endorso ngadto sa SP uban sa paghangyo nga siya pagatugutan sa pagsulod sa usa ka MOA tali sa CGM ug sa PGB mahitungod sa paggamit sa blood screening services.

Ang CGM pinaagi sa City Health Office maoy gitahasan sa pagpangolekta sa mga dugo gikan sa mga blood donor ug kini pagadalhon sa BPMC-Blood Screening Center aron ma suta nga luwas kini sa ubang pang mga sakit.

Giuyunan usab sa duha ka Partido ang uban pang mga temino ug kundisyon nga natala sa nasangpit nga MOA.

Human sa masusing pagtuon atol sa ika 8 th regular session niadtong Agosto 23, 2022, giduso kini sa Chairman sa Committee on Health & Social Services, Kathleen Cecile C. Pagaling ug hiniusang giuyunan sa konseho nga pagatugutan ang halangdong Mayor Pabillaran sa pagsulod sa usa ka MOA tali sa CGM ug PGB mahitungod sa nasangpit nga blood screening services.

Tungod niini, mas mapadali na ang paghatag sa serbisyo ug ang dugo nga mahatag sa mga pasyente luwas sa peligro sa laing pang mga sakit.

Report: SP-NADA