Gitunol ang pasidungog ngadto sa Bukidnon State University (BukSU) nga girepresentahan ni Ms. Fatima C. Tanzo, Department Head sa College of Nursing uban sa mga Topnotchers nga si Ms. Zenchin C. Yam-oc ug Ms. Jess Antonette D. Burlaos sa gipahigayon nga 93rd regular session kagahapong adlawa Mayo 28, 2024 didto sa SP Session Hall, Old Cityhall building, Malaybalay City nga gitambongan sa mga opisyales ug mga kawani sa lokal nga pangagamhanan sa Malaybalay.

Kaniadtong May 14, 2024 atol sa ika 91st Regular Session, giduso ni Councilor Zoltan Dindo D. Dinlayan nga hatagan sa Recognition ug commendation ang BukSU uban sa duha ka Topnotchers nga taga Malaybalay City.

Nakab-ot sa BukSU ang ika Top 9 sa mga top performing schools sa gipahigayon nga Nursing Licensure Examination niadtong May 6-7, 2024 diin 94.81 % ang rating sa nakapasar o 73 out of 77 ang nagmalampuson nga nakapasar.

Hibaluan nga ang BukSU usa sa mga eskwelahan nga ga prodyus ug mga topnotchers sukad pa sa nangaging katuigan. Garbo ug dungog sa Malaybalay City diin nahimo kining “Center of Excellence for Education.”

Migula nga nakab-ot sa tulo ka studyante gikan sa BukSU ang top six, top eight ug top nine sa nasangpit nga Nursing Licensure Examination duha niini gikan mismo sa Malaybalay City.

Si Ms. Zenchin C. Yam-oc, RN ang nahimong Top Six (6) ug Si Ms. Jess Antonette D. Burlaos, RN ang nag Top Nine (9) sa 7,749 nga nipasar gikan sa 11,116 nga nagkuha sa nasangpit nga examination.

Angay lamang ang pasidungog nga gihatag sa BukSU uban usab sa mga topnotchers aron mahimo kining inspirasyon sa mga kabataan sa pagpaningkamot, pagmakugihon ug pagmalahutayon sa pagtuon aron ilang makab-ot ang kalampusan sa ilang mga damgo.

Report: SP-NADA