Ang Junior Financial Managers Club (JFMC) sa College of Business sa Bukidnon State University, inubanan sa pagtinabangay sa Rotaract Club sa Malaybalay, Department of Labor and Employment (DOLE), Department of Migrant Workers (DMW), ug Public Employment Service Office (PESO), nag-organisa sa Career Connect 2024, usa ka JobFair Activity niadtong Pebrero 17, 2024, didto sa Bukidnon State University, dakbayan sa Malaybalay.

Tumong sa maong programa ang paghatag og usa ka lugar sa mga estudyante ug mga nangita og trabaho nga makatan-aw sa mga lainlaing oportunidad sa trabaho, sa lokal ug internasyonal. Kini usa usab nga paagi nga matubag ang kritikal nga isyu sa kawalay
trabaho sa rehiyon.

Ang kalihukan nakatapok og 12 ka lokal nga mga employers ug 2 ka mga ahensya sa overseas nga nag offer og halos 1000 ka mga bakante nga trabaho, diin naghatag og importante nga mga kahigayonan alang sa haduol 200 ka nagtambong nga mga jobseekers. Adunay 3 ka mga indibidwal ang nakakuha og trabaho sa mismong higayon nga gitawag og Hired on the Spot (HOTS).

Ang PESO Malaybalay nagtabang sa pag-organisar sa kalihukan og nahimung tulay tali sa mga employers ug mga nagapangita og trabaho, nagtabang sa proseso sa pagparehistro pinaagi sa NSRP-PEIS, ug pagsiguro nga ang job fair maayo nga napahigayon.

Ang kalihukan gitambongan ni Ms. Irish Baring, JFMC Adviser, Ms. Mary Grace A. Carpentero and Kriezel Joy C. Cajiben gikan sa DOLE, Ms. Maria Edralyn Tenajeros gikan sa DMW, Ms. Dianne Abigail B. Agusan gikan sa PESO, ug Engr. Camilo M. Melig gikan sa Rotaract Malaybalay. Ang ilang pag-attend nagpamatuod sa pagsuporta sa pagpalambo sa karera ug pagsulbad sa mga pagpangitag trabaho sa rehiyon.

Ang kalampusan sa Career Connect 2024 nagpamatuod nga ang mga institusyon sa edukasyon, mga ahensya sa gobyerno, ug mga asosasyon sa komunidad posibleng mag-uban sa pagtinabangay sa pagpakigbatok sa kawad-on sa trabaho ug pagsuporta sa pagtubo sa ekonomiya.

#careerconnect2024
#SakataMalaybalay
#BukSU
#Rotaract
#DOLE
#PESO
#DWM

Report: PESO – NADA