Usa ka panagpulong ang gipahigayon sa Farmer’s Training Center, City Agriculture Office sa dakbayan sa Malaybalay, mahitungod sa Community Based Monitoring System kon CBMS survey niadtong Enero 25, 2024, nga gipangunahan sa City Planning & Development Office (CPDO). Ang maong CBMS survey mahigayon karong Hunyo 2024.

Ang CBMS usa ka sistema sa pagkolekta, pagproseso ug pagsusi sa mga gibahin-bahin nga datos nga magamit sa pagplano ug pagpatuman sa mga programa sa usa ka local nga pangagamhanan. Lakip niini ang pagmonitor sa epekto sa CBMS sa mga lokalidad.

Gibasi sa Republic Act No. 3315 o ang CBMS Act, ang maong survey ipahigayon pinaagi sa pagtimbayayong sa Philippine Statistics Authority (PSA) ug sa mga lokal nga pangagamhanan. Dugang pa, ang survey magamit sa pag-ila sa kakabos sa usa ka lugar, paghatag ug prayoridad kanila ug pagmugna sa mga angay nga polisiya ug ang mga aksyon o mga programa.

Ang CBMS Coordinating Board gilangkuban sa Philippine Statistics Authority representative, City Mayor, City Local Government Operations Officer, LGU CBMS Focal Person, CPDO, City Social Welfare & Development Office (CSWDO), City Engineering Office (CEO), City Environment & Natural Resources Office (City ENRO), Human Resource Management Office (HRMO), Public Employment and Services Office (PESO), City Administrator’s Office (City Admin), City Agriculture Office(CAO), City Budget Office (CBO), City Civil Registrar (CCR), City Disaster Risk Reduction and Management Office (CDRRMO), City Economic Enterprise Development and Management Office (CEEDMO), Local Economic Development and Investment Promotions Office (LEDIPO), Public Order and Safety Office, Department of Education (DepEd) District Supervisor, Philippine National Police Chief, Sanggunian Panlungsod (SP) Representative, Liga President, Civil Society Organization (CSO) ug Private Sector Representatives.

Report: Atty. Kristina Egnar – Blaza/ CPDO NADA Coordinator