Ang Malaybalay City Disaster Risk Reduction and Management Office (CDRRMO) pinangulohan ni CDRRMO Department Head Alan J. Comiso ug sa pakigtambayayong sa Office of Civil Defense 10 mihatag ug teknikal nga tabang sa pagpahigayon sa tulo ka adlaw nga pagbansaybansay kabahin sa Emergency Operation Center (EOC).

Gipahigayon ang usa ka mahinungdanon nga kalihokan niadtong Enero18 – 20, 2023 didto sa Liberato P. Tortola Sr., building, BNHS compound, ning dakbayan.

Ang nasangpit nga training-workshop gitambongan sa lokal nga mga miyembro sa konseho sa CDRRM, stakeholders ug mga personahe sa CDRRMO.

Kini nagtumong sa pagpalig-on sa lokal nga pangagamhanan aron sa epektibo ug episyente nga pagdumala sa insidente sa organisado ug maayo nga koordinasyon sa matag nahilambigit nga mga cluster o ahensya.

Gihatagan usab niini og gingbug-aton og unsa ka mahinungdanon ang interoperability sa mga nag-unang ahensya ug stakeholders kung sa panahon nga adunay emerhensya ug katalagman.

Natapos ang aktibidad pinaagi sa usa ka closing program uban sa presensya sa atong CDRRMC Chairperson, Hon. Warren R. Pabillaran, City Mayor. Siya nagpasalamat sa tanang partisipante ug sa OCD 10 sa kalampusan niini.

Matod usab ni Mayor Pabillaran nga dili nato mapugnan ang usa ka katalagman apan tungod niining pagbansay-bansay, ato kining mapangandaman pinaagi sa usa ka organisado ug adunay koordinasyon nga EOC.

By: CDRRMO-NADA