Alayon sa kasaulogan sa 34th Civil Registration Month, ang lokal nga pangagamhanan sa Malaybalay pinaagi sa buhatan sa City Civil Registrar (CCR) pinangulohan sa officer-in-charge Mr. Arnel S. Alagenio, miduyog sa tibuok nasud sa kasaulogan pinaagi sa pagpahigayon ug motorkada inubanan sa mga kawani niini, libot sa poblacion kagahapon adlawa, Pebrero 1, 2024, isip pagsuporta usab sa Provincial Statistical Office-Bukidnon.

Nagdala sa tema, “CRVS: The Future of Seamless Services” gipasalig sa Philippine Statistics Authority (PSA) ang pagpauswag sa sistema sa Civil Registration and Vital Statistics (CRVS) alang sa maayong pagdumala ug administrasyon.

Ang kolaborasyon sa lain-laing buhatan nagpakita usab sa hiniusang paningkamot sa pagpa-usbaw sa importansya sa civil registration sa matag lungsoranon.

Ang pagpahigayon usab sa maong motorkada pagpasabot usab sa kasamtangan gihimo sa maong buhatan alang sa paghatag ug klaro, episyente ug madali ug masayon nga serbisyo sa civil registration alang sa tanan, ug kini alang usab sa mas hiniusa ug maki-angayon nga serbisyo sa gobyerno tukma sa panginahanglan sa publiko sa umaabot nga panahon.

Gipasalamatan sa buhatan sa CCR ang pagsalmot sa ubang buhatan sa lokal nga pangagamhanan sa Malaybalay sa gipahigayon nga motorkada sama sa assesors office, treasurers office ug buhatan sa mayor ingon man sa traffic management staff nga midumala alang sa hapasay nga trapiko.

Report: CCR-NADA