Ang lokal nga pangagamhanan sa Malaybalay ug sa pakigtimbayayong sa pangagamhanan sa Probinsya sa Bukidnon mipahigayon sa Chicken Production and Management Seminar niadtong Oktubre 4, 2023 didto sa Peoples Hall, New City Hall.

Ang maong kalihukan gitambungan sa 50 ka mga Person With Disability (PWD) Federation participants sa tibuok syudad sa Malaybalay pinangulohan ni Rudy Jimeno, ang president sa maong federasyon.

Tumong sa pagpahigayon sa maong seminar ang paghatag ug teknical nga tabang alang kanilang mga PWD alang sa pagpalambo sa programa kabahin sa livestock alang sa ilang panginabuhian. Kahibaloan nga ang livestock production nahimong usa sa mga tinubdan sa pagkaon pinaagi sa itlog ug karne niini. Gipasabot usab sa mga partisipante ang mga kasagarang mga sakit kung adunay backyard poultry ug unsaon nga kini malikayan.

Mitambong usab sa maong kalihukan sila si Jobrendo C. Stichon Brexie Abugan, Rowena Diana ug Angelie de Asis gikan sa buhatan sa Provincial Governor-PWD Division. Mihatag usab sa mga pakigpulong sila si Engr. Richard B. Leono ug Orlando John Paulican sa City Agriculture Office, Dr. Omar T. Cahanap, Phile Rae Bonggo, Annabel Sia ug Robert Russel Marte sa City Veterinary Office – Livestock Production Section ug Michelle Timones sa City
Social Welfare & Development Office – PWD affairs.

Report: City Vet-NADA