Ang lokal nga pangagamhanan sa Malaybalay pinaagi sa City Health Office – Disaster Risk Reduction Management in Health (CHO-DRRMH) Team mipahigayon ug Rapid Health Assessment didto sa Barangay Capt. Angel kagahapong adlawa Mayo 30, 2024, human sa nahitabo nga buhawi nga mi-igo sa maong barangay niadtong Mayo 29, 2024.

Ang pagpahigayon sa maong rapid health assessment pagahimoon human sa usa ka natural nga disaster nga mahitabo sa usa ka lugar aron dali nga mahibaloan ang kahimtang sa panglawas sa mga apektado ug sa ingon makatabang sa himoong mga desisyon panahon sa recovery phase.

Ang maong assessment usab mao ang mag tino ug magsusi sa mga kinahanglanon panahon sa pagpahigayon ug life-saving ug life-sustaining operations panahon sa emergency response nga hugna sa katalagman.

Report: Report: Lianne Jones T. Cajegas,PTRP
PT Unit Staff/CHO – NADA