Ang Malaybalay City Health Office- National Tuberculosis and Control Program (NTP), inabagan sa Provincial Health Office, Bukidnon Provincial Medical Center Programmatic Management of Drug Resistant – Satellite Treatment Center (BPMC-PMDT-STC), ug Philippine Business for Social progress (PBSP) mipahigayon sa panagtagbo alang sa implementasyon sa Integrated Delivery of Tuberculosis Services (iDOTS) Phase II.

Gipahigayon didto sa buhatan sa City Health niadtong Agosto 1, 2023, kini gitambongan sa mga miembro sa BPMC-PMDT-STC nga gilangkuban nila ni Dr. Ma. Azalea V. Cordero (PMDT-Head), kauban sila si Flor T. Velasquez, RN (PMDT Clinic Assistant), Eileen Shiella Dialimas, RN (Provincial NTP Coordinator) Dr. Melirose S. Deticio, Dr. Susan S. Punongbayan ug uban pang mga kawani nga anaa sa buhatan sa NTP sa City Health.

Tumong sa panagtagbo ang paghatag ug dugang kaalam alang sa pagpakgang sa TB – ang makamatay nga sakit sa baga kung diin ubos sa phase II, ang city health – NTP mamahimong nang modawat ug mopahigayon sa pagpanambal sa mga tawong adunay multi-drug resistant nga klase sa TB.

Report: CHO-NADA