Ang buhatan sa City Health ning Syudad nagpahigayon og libre nga check-up sa Persons with Disabilities (PWDs) niadtong Hulyo 26, 2024. Kabahin kini nga kalihokan atol sa binulan nga PWD meeting didto sa Barangay St. Peter.

Nakasentro ang serbisyo pinaagi sa pagsuta sa ilang kasamtangan nga balatian ug kondisyon nga madapatan kini ug tukmang medikasyon, hilabi na sa mga pasyente nga adunay kalisdanan sa pangisip.
Gikonsulta usab ang PWDs nga adunay deperensya sa pisikal, mental, inteliktwal, ug sensory nga kalisdanan pinaagi sa pag-assess ni Dr. Ann Michelle C. Go, MD, Shelleme O. Macatol, RN, ug Gazel A. Dela Cruz, RN.

Report: CHO-NADA