Ang buhatan sa Malaybalay City Health Office (CHO) nagpahigayon ug duha ka adlaw nga National Immunization Program and Cold Chain Management Training niadtong Nobyembre 16-18, 2022 didto sa 2nd Floor, Farmer’s Training Center, Casisang ning syudad.

Kini nga programa giapilan sa mga nurses, midwives ug uban pa nga mga empleyado ubos sa maong departamento nga ang trabaho may kalambigitan sa bakuna.

Si Ms. Karen Garces, RN ang nagpa ambit bahin sa “National Program Vaccines”, ug si Ms. Maila Manuel, RN ang naghatag ug impormasyon bahin sa lahi-lahi nga gimbuhaton sa atong mga sentro sa kahimsog sa panglawas ug paghimo sa nagkadaiyang iskedyul sa pagpamakuna. Gihisgutan usab niya unsaon pagdumala sa nagkadaiyang mga bakuna, pagkuha sa mga datus sa bakuna ug nabakunahan ug unsaon paghimo ug mga taho, pag monitor ug pagtimbang-timbang sa mga bakuna, ug ang kaluwasan sa pagbakuna apil na ang promosyon sa panglawas.

Si Ms. Fiona Helena Dapigran, RN ang nagpaambit ug mga importanteng impormasyon bahin sa “Vaccine Preventable Diseases Surveillance Adverse Event Following Immunization (AEF) Reporting.

Sa iyang bahin si Ms. Eileen Dialimas ang naghisgot bahin sa “The Cold Chain System”, “Guiding Principles for Vaccine & Cold Chain Management”, & “Calculating & Requesting Vaccines and Immunization Supplies.”

Gihisgutan usab ni Ms. Emelie Jane Hazel Estrada, RN bahin sa saktong pang pangdawat sa bakuna, saktong pagpahimutang sa mga bakuna, pagpang apud-apud ug luwas nga pagpamakuna.

Sa ulahi, gihisgutan ni Ms. Jenny Jumamoy ang bahin sa sakto nga paglabay sa mga basura human sa pagpamakuna.

Report ni: Lianne Jones T. Cajegas, PTRP

PT Unit Staff, CHO-NADA