Ang buhatan sa Malaybalay City Health Office (CHO) mi partisipar sa duha ka adlaw nga orientation on integrated Clinic information system (iClinicsys) ug Information, Education, Communication (IEC) on universal healthcare ug konsulta package claims nga programa sa Department of Health (DOH) ug Philhealth niadtong Nobyembre 10-11, 2022 didto sa the Garden, Brgy. 1, ning syudad.

Kini gipartisiparan sa CHO doctors, midwives, nurses, personnel, DOH iClinicsys team, DOH Nurses, ug Philhealth team.

Ang DOH ug ang Philhealth mao ang nagpahigayon ug workshop sa mga midwives, nurses, ug uban pang trabahante sa Malaybalay CHO para matudluan sila sa paggamit sa online portal/application aron marehistro nila ang mga pasyente nga ilang naserbisyohan gikan sa doctor, laboratory, hangtod na sa botika.

Pinaagi niini dali na ang pagkuha sa mga nagkadaiyang mga datus sa pasyente. Ang maong application makatabang usab sa DOH para makita nila kung unsa ang kahimtang sa kahimsog ang naa sa usa ka barangay o lungsod.

Si Ms. Jhean Angela R. Walter ang Philhealth Accreditation in-charge ang una nga naghatag ug impormasyon bahin sa konsulta package claims ug universal health care. Iyang gipasabot nga pinaagi niini ang tanan Pilipino makapahimulos sa Philhealth.

Sa susamang programa, Si Ms Sweet Kristine Ace Yacapin kauban ang iyang team nga sila Ms. Jovita N. Sarip, Statistician II; Mr. Justine G. Cabizon, RESDRU Information Communication & Technology in-charge ang nagpasabot kung unsaon paggamit sa iClinicsys portal, pagsulod sa mga importante nga datus sa mga pasyente nga nagpakonsulta.

Nagpaabot usab og mensahe ang atong halangdong mayor Atty. Jay Warren R. Pabillaran pinaagi ni Atty. Mitchell Talatla kon diin kinahanglan nato nga musakay sa kabag-uhan kung kini makaayo sa kinatibuk-an. Naghatag pud sa iyang dakong suporta kang City Councilor Kathleen Cecille Pagaling ug gi-aghat ang tanan nga magsuporta sa pag gamit sa mga bag-ong teknolohiya.

Ang maong programa gipahigayon aron mabansay-bansay ang mga personahe sa Malaybalay CHO sa paggamit sa “application” para pagrehistro sa mga nagpakonsulta uban na sa pagsulod sa ilang mga datus para madali na pagproseso ug pagkuha sa istatistiks nga importante para sa pagkuha sa benepisyo. Ug kini magamit sa Kagawaran ng Kalusugan o DOH para makita kung unsa ang mga kakulangon nga kinahanglan mapangitaan ug kasulbaran.

Report: CHO-NADA