Ang selebrasyon sa world contraception day gipangunahan pinaagi sa buhatan sa CHO-Population and Development Section nga nagdala sa tema, “Usap Tayo: FAMILY PLANNING.” Gilantaw sa maong adbokasiya nga mapakuyanap diha sa komunidad unsa ka mahinungdanon ang pagplano sa pamilya ug ang responsible nga pagmabdos sa inahan.

Gipasiugda ang nasangpit nga kalihokan niadtong Setyembre 26, 2022 sa City Hall Lobby nga gipahimuslan sa mga katawhan. Nagkadaiyang family planning services ang gitunol pinaagi sa paghatag og libre nga contraceptive pills, condoms, ug counseling. Lakip sa nihatag og libre nga serbisyo maong ang CHO personnel nga napahigayon ang Progestin-only Sub-dermal Implant (PSI) insertion and removal alang sa 37 clients.

Nagmalampuson ang kalihokan tungod sa hugot nga suporta sa City Government of Malaybalay sa pagpangulo ni Mayor Jay Warren R. Pabillaran, CHO head Dr. Dennis Sangalang ug mga personahe sa CHO ug PopDev.

Report: CHO-POPDEV NADA