Ang Population and Development division sa City Health Office mipahigayon sa Teenage Pregnancy Awareness on Adolescent Sexuality and Reproductive Health campaign ngadto sa mga kabatan-onan sa Barangay Uno (1) dinhi sa dakbayan sa Malaybalay niadtong Agosto 5, 2023.

Gitambongan sa 37 ka mga batan-on pinangunahan ni Sangguniang Kabataan (SK) Chairman Pejay L. Timtim, mitambong usab si Punong Barangay Arthur O. Melendez ug mga miembro sa konseho sa maong barangay.

Ang pagpahigayon sa maong kalihukan gihimo alang sa padayon nga pagpasabot sa mga kabatan-onan nga sila angay nga aktibo sa mga kalihukan sa ilang barangay aron sila mahilayo sa sugal, alak, droga ug ubang bisyo ilabi na sa nga adunay pagsaka sa porsyento sa teenage pregnancy o teenage mothers.

Pinaagi usab sa maong kalihukan, matudloan ang mga batan-on sa mga ensaktong desisyon alang sa ilang reproductive health, pagpalambo sa responsibilidad ug pagsabot sa sexual behavior aron malikayan ang sayo nga pagmabdos. Ang teenage pregnancy, usa sa mga gitutokan ug nagpabilin nga kabalaka sa POPDEV.

Report: CHO-NADA