Ang delagasyon sa Malaybalay City Health Office (CHO) – Physical Therapy and Rehabilitation unit mihimo og benchmarking activity sa Tebow Cure Children’s Hospital ug Southern Philippines Medical Center (SPMC) sa Davao City niadtong Oktubre 24-25, 2024.

Sa pagpangulo ni CHO head, Dr. Dennis P. Sangalang, kauban ang iyang team, ilang gilantaw ang mga best practices kabahin sa physical therapy (PT), modalities ug equipment, ingon man ang mga bag-ong pamaagi sa serbisyo sa PT.

Nasayran sa CHO nga ang Tebow Cure nag-specialize sa pagtambal sa kabataan nga adunay congenital deformities ug physical disabilities, samtang ang SPMC nag-cater sa tanan nga pasyente sa tanang edad nga adunay nagkalain-laing balatian.

Pinaagi sa maong kalihokan, nakamugna ang CHO og mga linkages pinaagi sa referral system ngadto sa mga ospital aron mapalapdan ang ilang serbisyo para sa mga pasyente sa Malaybalay City.

with report: Mhegan L. Dominguez, CHO-Nada