Ang lokal na pangagamhanan sa Malaybalay pinaagi sa City Human Resource Management Office (CHRMO) nagpahigayon og Technical Writing Seminar-Workshop niadtong Mayo 27 didto sa D’ Garden, Malaybalay City.

Gisalmotan kini sa 36 ka mga empleyado sa City Government nga gatrabaho isip administrative officers ug assistants.

Tumong sa maong kalihokan nga madugangan ang kahibalo sa teknikal nga pagsulat aron mahimong episyente sa pag-andam sa ilang buluhaton diha sa ilang matag opisina.

Ang maong aktibidad gitambongan usab ni Mayor Jay Warren R. Pabillaran nga nihatag sa iyang madasigon nga mensahe ngadto sa mga partisipante.

Gidayeg niya ang kalihokan ug gipasabot ang kamahinungdanon niini nga mamahimong epektibo ang usa ka empleyado. Gipasalamatan usab niya ang facilitating office sa kalampusan sa maong aktibidad.

Si Jeanyben M. Dacalanio, DMO III mao ang usa sa mga mamumulong sa maong kalihokan . Gitudloan ang mga partisipante sa mga basic rules nga sundon sa pagsulat sa lain-laing mga paagi sa teknikal nga sinulatan pinaagi sama sa report, memorandum, instructional materials/chart, travel orders ug uban pa.

Report by: Mary Jane T. Rodrigo, NADA-CHRMO