Gitambongan sa 48 ka mga Community Veterinary Extension workers ug 23 nga gikan sa City Veterinary Office ang gipahigayon nga General Orientation niadtong Septyembre 8, 2023 didto sa People’s Hall, New City Hall, ning dakbayan sa Malaybalay.

Gipasabot ngadto sa mga partisipante ang ilang mga katungdanan ug responsibilidad isip mga trabahante. Lakip usab gitudlo kanila ang pagpalambo sa mga serbisyo nga mapadali ug mahimo sa hamubo lamang nga panahon. Nasayran usab nila ang uban pang mga impormasyon ug mga pamaagi kabahin sa ilang trabaho.

Mitambong sa kalihukan sila si City Veterinarian Dr. Michele C. Miquiabas, Livestock Production Veterinarian Dr. Omar T. Cahanap ug City Mayor Jay Warren R. Pabillaran diin midasig sa mga partisipante nga buhaton sa husto ang mga tahas nga gihatag kanila isip lumilihok sa tagsa-tagsa nila ka barangay.