Pormal nga gi-organisa pinaagi sa tabang sa City Veterinary Office (CVO) – Livestock Production ang giilang Nalumosan Livestock Farmer’s Association niadtong Hulyo 5, 2025.

Dugang pa, nalunsad usab ang pagduso sa kampanya nga mapatuman ang livestock dispersal program ug ingon man ang livestock insurance didto sa Brgy. Silae, ning syudad.

Gitambongan kini sa mag-uuma gikan sa Sitio Nalumosan, Upper Pulangi Barangay extrnsion workers, ug mga kawani sa CVO.

Si Dr. Omar Cahanap, Livestock Program Officer, ang nanguna sa pagpasabot sa kamahinungdanon sa pagtukod og usa ka asosasyon aron mapalambo ang panginabuhian pinaagi sa tabang gikan sa gobyerno.
Kauban sa iyang team natudlo usab ni Annabel Sia, Livestock Officer ang benepisyo sa livestock insurance program; Rexan Van Dequito mahitungod sa livestock dispersal program; ug si Butch Arnel Ocaya, GSO staff.

Sumala pa ni Dr. Cahanap nga ang paghulma sa maong grupo naghinaut nga makadugang kini sa ilang kinitaan pinaagi sa hugot nga suporta sa gobyerno bisan pa sa mga hilit na lugar.

Report: Dr. Omar T. Cahanap, CVO-NADA