Gisaulog sa syudad sa Malaybalay pinaagi sa pagpanguna sa City Social Welfare & Development Office (CSWDO) ang ika-44 National Disability Prevention & Rehabilitation Week nga nagdala sa tema, “Working with Government in achieving equal access to Education, Employment & Livelihood towards Empowerment of Persons with Disabilities.”

Kauban ang Malaybalay City United Persons w/ Disability Association (MACUPWIDASS), gisugdan ang maong kasaulogan pinaagi sa usa ka clean-up drive niadtong Hulyo 20, 2022 nga diha napahigayon sa matao nga lugar sa Barangay Aglayan.

Samtang nahimong mabungahon usab ang selebrasyon kon diin ang Department of Trade and Industry nagpasiugda og Consumer Education and Entrepreneurial Mind-setting seminar nga gipartisiparan sa atong mga inilang persons with disabilities (PWDs) ug apil mga ginikanan ug guardians sa PWDs.

Sa pagtapos, hiniusang nitambong sa forum ang mga dinapit nga mamulong gikan sa Department of Interior & Local Government (DILG), Technical Education & Skills Development Authority (TESDA) ug Department of Labor & Employment (DOLE) aron mahatagan og katinawan ang nagkadaiyang isssues and concerns sa PWDs alayon sa tema karong tuiga.

Pinasubay sa Proclamation No. 1870 (1979), nga gi-amendahan sa Proclamation No. 361(2000) ug Administrative Order No. 35(2002), gimando nga isaulog kini matag tuig sa Hulyo 17-23 aron matagaan og pagtagad ug kadasig ang PWDs sa mga hagit nga ilang gisagubang.

Report: CSWDO-NADA