Usa ka orientasyon ang gipahigayon sa People’s Hall, Malaybalay New City Hall mahitungod sa Comprehensive Land Use Plan (CLUP) niadtong Pebrero 29, 2024 sa mga miyembro sa CLUP Planning Core Team. Ang maong orientasyon gipangunahan sa City Planning & Development Office kon CPDO ug sa Department of Human Settlement and Urban Development kon DHSUD.

Gimando sa Local Government Code of 1991 o Republic Act 7160, ang pagmugna sa CLUP usa ka pamaagi sa pagdumala sa lokal nga mga teritoryo kun diin mahibal-an ang mga nagkalain-laing pag gamit sa yuta.

Matod pa ni Mr. Harvey Villegas, Housing and Homesite Regulation Officer V sa DHSUD, ang CLUP magsilbi nga mugunit o magkonektar sa nagkalain-laing plano sa usa ka lokal nga pangagamhanan. Dugang pa, magsilbi ang maong dokumento nga palisiya o policy pinaagi sa Zoning Ordinance. Gihisgutan usab sa maong orientasyon ang mga sunod nga lakang nga buhaton sa pagmugna sa CLUP.

Niapil sa maong orientasyon si Hon. Erwin A. Damasco (Chairman on Human settlements, Zoning and Land Use Committee) Hon. Zoltan Dindo D. Dinlayan (Chairman on Civil Service, Personnel Management and Quasi-Judicial Committee), Mr. Eduardo Leppago (ABC President Representative), Mr. Rambrant Paul Paclar sa DHSUD, Atty. Julius Michael G. Barroso (City Legal Officer), Engr. Leo Rustan L. Dela Cerna (City Engineer), Engr. Runstadt P. Peria (OBO), Mr. Perfecto D. Bayo (Project Development Officer IV), Mr. Kris Guerrero B. Tabernero sa City ENRO, Mr. Sony Dabe Belderol sa CDRRMO ug mga staff sa CPDO nga gipanguluhan ni Engr. Adrian R. Gamboa (CPDC).

Ni: Atty. Kristina Egnar-Blaza, EnP/ CPDO-NADA Coordinator