Agi og pagsaulog sa national children’s month karung tuiga, nakigduyog ang kabatan-onan sa Brgy. Casisang pinaagi sa usa ka lingaw nga kalihokan nga giilang Junior’s Day “Art Jam,” niadtong Nobyembre 12, 2022 diha sa Barangay Casisang covered court.

Gipartisiparan kini sa Casisang Pag-asa Youth Association (PYA) officers ug Sangguniang Kabataan Officials inabagan sa kawani sa City Social Welfare and Development Office (CSWDO) sa tumong nga maghagit sa mga bata nga maipakita ug mai-hulagway nila ilang gibati.

Usa usab ka PYA lider ang naghatag ug kahibalo ug nagbatbat mahitungod sa mga katungod sa matag bata. Nalipay pud sila sa higayon nga adunay giandam nga padula alang kanila.

Ang maong programa usa lamang sa mga kalihokan gipasiugda sa CSWDO-Youth Welfare Section nga nag-aghat sa kabatan-onan nga mahimong advocate, modelo, magbubuhat, ug lumilihok diha sa pagpakita og gugma ug importansya sa mga bata.

Report: CSWDO-NADA