Gipahigayon ang Product Launching ug Turn-over sa Dairy Processing Plant (DPP) niadtong Nobyembre 30, 2023 sa Dalwangan Malaybalay United Dairy Agrarian Reform Cooperative (DAMAUDARC) didto sa Barangay Dalwangan, Malaybalay City.

Gisugdan ang maong aktibidad sa usa ka Pamuhat niadtong Nobyembre 29, 2023 ug gisundan kini pagka-ugma sa usa ka Blessing sa DPP Building, kasunod niini ang cutting of ribbon, photo opportunity ug ang oportunidad nga makasulod sa maong building ang mga bisita.

Nagkalain-laing bisita ang nitambong gikan sa National Dairy Authority- Northern Mindanao, Department Manager Mr. Jester John P. Jadap, CPA, MBM. DOST-X Regional Director, Engr. Romela N. Ratilla,DPA. Engr. Arlene P. Almo gikan sa POC Bukidnon. Ms. Jacqueline Julia Lagamon, Acting Provincial Agriculturist.

Anaa usab ang presensya ni City Mayor Jay Warren R. Pabillaran, ug pipila ka mga miyembro sa 9th Sanggunian, City Agriculture Office-OIC, Engr. Richard B. Leono. City Nutritionist Ms. Eza Canonigo. CAFC Chairperson Mr. Leonard O. Leyros, DAMAUDARC BODs, Punong Barangay sa Dalwangan, Hon. Royville G. Pasco, Department Heads, mga stakeholders, ug ni Former City Agriculturist, Ms. Remedios R. Sarzuelo.

Si OIC-City Agriculture Office Leono mi-presentar ug usa ka video presentation mahitungod sa estado sa DPP. Sa pagsuma mukabat PHP 11,224,221.10 ang kinatibuk-ang kantidad sa maong proyekto, lakip na niini ang PHP 1,640,000.00 nga gikan sa Department of Science and Technology (DOST), PHP 4,080,000.00 gikan sa Department of Agriculture BUB Fund, ug Local Government Unit (LGU) nga nag kantidad ug PHP 5,504,221.10.

Ingon man si Mayor Pabillaran sa iyang mensahe nga mihatag ug usa ka hagit para sa organisasyon nga lig-onon nila ang ilahang kooperasyon aron malungtaron ang maong proyekto. Importante ang pag-tinabangay sa matag-usa ug importante usab ang pinansyal nga aspeto sa grupo nga mamayo ang pagdumala niini. Kay usa kani sa mga mamahimong hinungdan sa kalampusan sa DPP.

Nagpaambit usab ug usa ka background ug giunsa pagsugod ug mugna ang DPP ang Former City Agriculturist Sarzuelo, mihatag siya sa iyahang dakong pasigarbo nga human sa usa ka dekada nga pag proseso sa mga papeles para niining proyekto nabati na gyud ang kalampusan ug natukod na ang maong pasilidad uban niini ang mga makinarya ug gamit sa pagproseso sa gatas.

NADA Report by: Ms. Chloe Jean B. Beronilla, Agriculturist I/MES Staff