Ang lokal nga pangagamhanan sa Malaybalay pinaagi sa buhatan sa City Health, City Social Welfare ug Philippine National Police mipahigayon ug drug symposium ngadto sa mga magtutungha sa Bukidnon National High School sa dakbayan sa Malaybalay niadtong Nobyembre 15-17, 2022.

Gipaabot sa mga mamulong ngadto sa mga kabatan-onan ang dili maayong epekto sa pag gamit sa mga gidiling droga ingon man ang epekto sa sayo nga pagkaburos o pag mabdos. Lakip usab nga gipasabot ang ilang mamahimong mga responsibilidad ug mga katungod.

Si Dr. Kim Tubog Luardo sa CHO ang mipaambit sa mga pagtulun-an kabahin sa teenage pregnancy ug ang epekto niini sa kahimsog sa panlawas, samtang si Ms. Edna Fe. Pendatun, CHO HEPO ug personahe sa buhatan sa kapolisan ang mituki usab sa mga nagkalain-lain illegal nga mga droga ug epekto niini sa lawas sa tawo ug sa katilingban.

Ang maong kalihukan alayon sa kasaulogan sa National Children’s Month 2022.

NADA-CHO