Ang buhatan sa DSWD Region 10 kauban ang pakigtambayayong sa lokal nga pangagamhanan sa Malaybalay pinaagi sa City Social Welfare and Development Office (CSWDO) miapod-apod sa kantidad balor og P 1,364,462.00 ngadto sa 216 ka mga benepisaryo ubos sa Livelihood Assitance Grant 4.

Nahitabo ang duha ka hugna nga kalihokan didto sa People’s Hall, City Hall niadtong Setyembre 6, 2022 ug sa Brgy Casisang covered court niadtong Setyembre 22, 2022. Ang matag usa nakadawat ug P 5,000.00 РP 10,000.00 depende sa proyekto nga naapektohan sa Covid-19.

Niagi ang mga benepisyaryo og usa ka lahom nga pakisusi para mahimong kabahin ug maapil sa maong programa.

Gisiguro sa personahe sa CSWDO nga niagi sa hingpit nga pakisusi apil na ang aktwal nga pag-interview ug pagbisita sa ilang mga kabalayan. Kini nga programa nagasentro sa paghatag ug puhunan para mabalik ang kapanginabuhian nga naundang tungod sa kalisdanan nga gisagubang.

Basi sa CSWDO validating Team nga gipangulohan ni Mr. Reynaldo P. Valdez, nga kinahanglan maapil sa programa makadawat og P 6,000.00 pinaagi sa Social Amelioration Program sa DSWD ang mga giilang benepisaryo nga adunay panginabuhian nga nawala ug nagamit ang puhunan para sa pamilya tungod sa pandemya.

Dugang pa, ang tabang pinansyal pang-kapital dili na kini paga-ibalik pero matag tulo ka bulan pagabisitahan aron pagsusi sa dagan sa proyekto ug ang resibo opisyal pagakuhaan tulo ka adlaw gikan sa paghatag sa maong pondo.

Report by: CSWDO-NADA