Aron matagaan ug kadasig ang kabatan-onan nga mituon sa life-saving ug emergency program, nitambong si Mayor Jay Warren R. Pabillaran sa napahigayon nga unom ka adlaw nga pagbansay-bansay sa Boy Scout of the Philippines – Bukidnon Council.

Nahitabo ang maong kalihokan didto sa Luyungan High School, Bangcud, ning syudad niadtong Hulyo 18-23, 2022 aron matun-an ang kurso sa Emergency Service Training.

Sanglit gikalipay sa boy scouts ang presensya ug hugot nga suporta ni Mayor Pabillaran kon diin mihatag siya’g igong oras sa pakighinabi sa mga partisipante.

Sa iyang mensahe, iyang gi-emphasize ang ka mahinungdanon sa tagsa-tagsa nga tahas ug hagit diha sa komunidad. “Kung naa mo’y nakita nga dili mao o dili maayo, reklamo mo; otherwise, you are part of the problem,” matud pa niya.

Naghinaut si Mayor Pabillaran nga masilsil sa tanan kabatan-onan ang values sa disiplina ug pagkamatinud-anon, “Aron dili kita mabiyaan sa uban nasud sa tiunay nga paglambo ug pag-asenso, respect law and order ug respeto sa usag-usa,” dugang niya.

Alayon sa pagsaulog sa National Disaster Resilience Month, kauban ang City Disaster Risk Reduction and Management Office ang nag-conduct ug orientation sa Basic Life Support ug First Aid.

Report: CMO-NADA