21 ka mag-uuma ang nigraduwar sa giilang season long Farmers Field School (FFS) sa “hybrid rice production with emphasis on palay check system” sa Barangay Indalasa, Malaybalay City.

Nasugdan ang FFS-Indalasa niadtong Hunyo 2023 ug ang mga kalihokan nga gihimo mao ang lectures, demonstration, hands-on, data gathering, processing, reporting, feedbacking, ug educational tour.

Ang demonstration area nga gipanag-iya ni Mr. Eleanor R. Navarro naglangkob og 0.78 ektarya nga gitamnan og Quadro Alas, usa ka binhi sa bugas, niadtong Hulyo 4, 2023 ug naani niadtong Nobyembre 7, 2023.

Sa wala pa ang FFS, 4.41 metric tons matag ektarya (MT/ha)lang ang ani sa cooperator, apan tungod sa nahatag nga kahibalo nakaani sila ug 5.953 MT/ha nga adunay pagtaas sa abot sa 35%.

Ang FFS Graduation Day napahigayon niadtong Marso 20, 2024 nga gitambungan nila Executive Assistant II Anthony James Mondia, Konsehal Alan Ryan O. Legaspi, Barangay Captain Erwen J. Sunog, City Agriculture Office-OIC Engr. Richard B. Leono, Capt. Lenmar Darus sa Philippine Army ug Mr. Johnner Dela Cruz sa Seedworks.

Gidasig sa nasangpit nga bisita nga magamit ang ilang nakat-unan ug ipaambit kini sa ubang mag-uuma. Sila malaumon nga ang mga mag-uuma mouswag pinaagi sa pagtinabangay ug paglahutay aron makab-ot ang kalampusan.

Dugang pa, tumong sa FFS mao ang pagtabang sa pagbansay sa mga mag-uuma bahin sa bag-ong teknolohiya aron makab-ot ang taas nga ani ug seguridad sa pagkaon.

Ang Pangagamhanan sa Malaybalay pinaagi sa City Agriculture Office nagpadayon sa pagtabang sa mga mag-uuma pinaagi sa mga interbensyon nga bag-o kon itandi sa tradisyonal nga pamaagi sa pagpanguma nga ilang naandan.

Ang FFS usa ka proseso sa pagkat-on nga nakabase sa grupo nga gigamit sa pagpasiugda sa maayong mga gawi sa agrikultura.

Report ni: Gecel Quinquiño-Ocon, City Agri-NADA