Gipangunahan sa City Agriculture Office nga gipanguluhan ni Remedios R. Sarzuelo – City Agriculturist ang gipahigayun nga CPOC Livelihood Program Turn-over Ceremony. Inubanan sa lokal nga panggamhanan sa Malaybalay sa pagpangulo ni Mayor Warren Pabillaran nga girepresentahan ni John Valmores – Executive II, ug sa pakigcoordinar sa Department of Interior and Local Government ug 8th Infantry Battalion. Gisugdan ang maong kalihukan ug usa ka seminar mahitungod cattle and swine production management nga gipangunahan sa City Veterinary Office. Gimugna ang maong seminar aron mahatagan ug saktong kaalam ang atong mga farmers sa pagdumala sa gi turnover na mga mananap.

Ang nasangpit nga aktibidad gi tambongan sa lain-laing mga personahe gumikan sa mga miyembro sa City Peace and Order Council (CPOC). Kini nga aktibidad namugna pinaagi sa programa sa atong kanhi Presidente Rodrigo Duterte nga LGSF-SBDP nga kabahin sa National Task Force to End Local Communist Armed Conflict (NTF-ELCAC) nga programa, kini usa ka pamaagi sa gobyerno sa pakigbatok sa insurhensya sa kabanikanhan. Kini nga pamaagi usab nagtumong sa paghatag gahum sa mga lokal nga komunidad ug tugotan sila nga manguna sa hyperlocal socioeconomic nga pagtubo, paghupay sa kakabus, ug pagpadayon sa kalinaw ug kahusay sa ilang lugar nga ginsakopan.