Ang Bureau of Fire Protection nagpahigayon og usa ka “Fire Safety Orientation,” alang sa mga kawani sa City Economic Enterprise Development & Management Office (CEEDMO) aron mas masabtan ang gingbuhaton ug mga paningkamot para malikayan ang peligro sa sunog.

Nahitabo niadtong Hulyo 12, 2022 diha CEEDMO Function Hall, gitudloan ang mga empleyado sa mga sistema, ug mga lakang ug pamaagi aron masiguro nga luwas sa sunog ang kaugalingon ug ingon man ang nagkada-iyang pasilidad sa merkado. Apil na sa maong orientation ang mga empleyado nga na-assign sa Slaughterhouse Operations, sa Bus Terminal, sa City Memorial Park (CMP) didto sa Gabunan, ug ingon man sa mga kawani sa Malaybalay City Government Water Supply System (MCGWSS) didto sa Kimambong ug sa Kibalabag.

Nagpasalamat ang opisina sa CEEDMO sa BFP nga gipangulohan ni C/INSP Jack M. Bigwil, ang City fire marshal, tungod sa gihatag nga suporta alang sa maong kalihokan nga nag-alayon usab sa pagsaulog sa Disaster Resilience Month sa bulan sa Hulyo.

Report: CEEDMO-NADA